Ընտրեք լեզուն
Smish-ն ու նրա անիմացիոն ընկերներն ապրում են Սան Պորտո կղզում։ Ծանոթացեք տեսահոլովակների կերպարներին, բացահայտեք նրանց պատմություններն ու գտեք ձեզ հարազատ բնավորությունը։
Smish-ը սիրում է խնջույքներ կազմակերպել և բոլորի տրամադրությունը բարձրացնել։ Նրա ամենամեծ երազանքը ընկերների ու հանդիսատեսի դեմքերին ժպիտներ տեսնելն է։ Աշխարհում ամենից լավ Smish-ը գիտի՝ ինչպես զվարճանալ, ծիծաղել ու վայելել կյանքը, և ուզում է դրանով կիսվել բոլորի հետ։
Rolce-ը քաջ ու ուժեղ գայլուկ է։ Նա մարմնավորում է խիզախությունն ու ֆիզիկական եռանդը, միշտ ելք է գտնում դժվար իրավիճակներից և պաշտպանում ընկերներին վտանգի պահին։ Rolce-ը մեզ սովորեցնում է ուժեղ լինել և հիշեցնում, որ ամեն փորձություն կարելի է հաղթահարել։
Bloom-ը ջանասեր ու աշխատասեր նապաստակ է։ Նա գիտի, թե որքան կարևոր են ջանքը, համառությունն ու նվիրվածությունը։ Նա օգնում է ընկերներին հասնել նպատակներին՝ չկորցնելով ոգևորությունն ու կես ճանապարհին չհանձնվելով։
Mally-ն բարի ու հոգատար փիսիկ է։ Նրա մեծագույն ուժերը բարությունն ու կարեկցանքն են։ Նա միշտ պատրաստ է օգնել ընկերներին և աջակցել մտերիմներին։ Mally-ն ցույց է տալիս, թե որքան կարևոր են ընկերությունն ու փոխօգնությունը։
Lilly-ն խելացի ու հնարամիտ է։ Նա տարված է գիտությամբ ու արվեստով և միշտ բացահայտում է նոր, հետաքրքրաշարժ ու ոգևորող բաներ։ Lilly-ն շրջապատին ոգեշնչում է սովորել ու զարգանալ՝ ցույց տալով, թե գիտելիքն ինչքան զվարճալի և հետաքրքիր կարող է լինել։
Kelly-ն եռանդուն ու անվախ աղվեսիկ է, որը սիրում է արկածներն ու մրցումները։ Նա ընկերներին սովորեցնում է, որ նպատակներին հասնելու համար պետք է վճռական լինել, լավ պատրաստվել և երբեք չկորցնել ոգևորությունը։
Chichi-ն իմաստուն ու ուշադիր թռչնակ է, որը միշտ պատրաստ է լավ խորհուրդ տալ, լսել և աջակցել ընկերներին։ Նա սիրում է երաժշտությունը և հաճախ կազմակերպում ուրախ միջոցառումներ, որտեղ հանդես է գալիս որպես դիջեյ։
Ju-ն աշխատասեր, բարի ու ուշադիր մեղու է։ Նա միշտ ժամանակ է գտնում խաղերի ու պարերի համար, իսկ նրա լավատեսությունն ու ուրախությունը լուսավորում են շրջապատին։ Թեև Ju-ն Սան Պորտո կղզու ամենափոքր բնակիչն է, թռչելիս նրա բզզոցը հեռվից է լսվում։
Shish-ն ու Twist-ը Smish-ի չարաճճի ընկերներն են՝ հայտնի իրենց զվարճալի ու ծիծաղելի արարքներով։ Չնայած փոքր հասակին՝ Shish-ն իրեն ղեկավար է համարում և հաճույքով հրամաններ տալիս Twist-ին։ Twist-ը ամենախելացի մկնիկը չէ, բայց միշտ ուրախ է և այնքան հավատարիմ Shish-ին, որ պատրաստ է կատարել նրա բոլոր հրամանները։
